Kompania farmaceutike amerikane Moderna pritet të rrisë prodhimin deri në tri miliardë doza gjatë vitit 2022. Gjithashtu pritet të rrisë prodhimin e vaksinave në 2021 nga 800 milion deri në 1 miliard doza.
Moderna tha se prodhimi do të dyfishohet në fabrikat e saj në Zvicër dhe Spanjë, ndërsa do të rritet deri në 50 për qind edhe në fabrikat në SHBA. Njoftimi vjen pasi përhapja e varianteve të koronavirusit në vende si India, ka rritur shqetësimet në të gjithë vendet e botës.
Moderna është autorizuar për përdorim te të rriturit në SHBA, Bashkimin Europian dhe shumë vende të tjera. Vaksina është thënë se është 94.1 për qind efektive.
Moderna nisi testimin e vaksinës së saj vitin e kaluar te fëmijët e moshës 12 deri në 17 vjeç, por rezultatet nuk janë publikuar ende.
