Janar maj hapen 9800 biznese të reja, 680 të huaj
Sipas të dhënave të publikuara nga Qendra Kombëtare e Biznesit, aplikimet për çregjistrim të subjekteve për periudhën janar–maj 2016 janë rritur me 25 për qind krahasuar me të njëjtën periudhë të 2015-ës. Numri më i lartë i Kërkesave për çregjistrim ka qenë në shkurt, me rreth 2800 të tilla, dyfishin e shkurtit 2015, ndërsa çdo muaj ka pasur mesatarisht mbi 1200 kërkesa për çregjistrim. Për muajin maj ende të dhënat nuk janë të plota. Por pavarësisht numrit të lartë të kërkesave për cregjistrim jo të gjithë bizneset arrijnë ta marrin konfimimin. Sipas të dhënave të mëparshme të QKB-së, për 4 mujorin u çregjistruan vetëm rreth 2500 biznese, apo gati tre herë më pak se kërkesat e bëra për çregjistrim. Nga ana tjetër po sipas të dhënave zyrtare për pesë mujorin janë regjistruar rreth 9800 biznese të reja ose 24 për qind më shumë se e njëjta periudhë e një viti më parë. Nga këto 680 kërkesa janë bërë nga biznese të huaja.
