Pamja kaotike e vitrinave të Tiranës, ku në pak metra mund të gjesh gjithçka, veteriner, rroba luksi, mjek, rroba të përdorura, dentist, bulmetore, therrtore edhe piktura
Po të lëvizësh rrugëve të Tiranës sheh kudo vitrina të rrëmujshme me reklama të ngjitura me njëra-tjetrën dhe në një sipërfaqe fare të vogël të duket se ndodhin çudira. Në pak metra sheh vitrina ku ekspozohen veshje luksi dhe farë pranë tyre ka rroba të përdorura, ngjitur gjen një dyqan ku shitet bylmet e ushqime …. më pas është një reklamë ku shkruhet… “bëjmë edhe piktura”… apo zyrë konsulencë ligjore e ekonomike. Ka edhe reklama “Konsulencë për tema diplome”…, ka nga të gjitha.
Kjo është pamja e rrugëve kryesore të Tiranës. Si në këto foto ku pranë e pranë është një qen në klinikën veterinare dhe mu te koka e qenit ekspozohen veshje sportive të markave më të shtrenjta. Gallatë e vërtetë, ashtu siç është e organizuar shoqëria shqiptare në kryeqytet e në mbarë vendin.
