Me tim atë
Me tim atë
do të shihja muzgun
mbi fushat e gjelbra
.
.
.
Bora po shkrin
Bora po shkrin
dhe fshati përmbytet
nga fëmijët.
.
.
.
Mbi një degë
Mbi një degë
që pluskon teposhtë lumit
një bulkth, duke kënduar.
.
.
.
Shkon, kthehet
Shkon,
kthehet –
jeta dashurore e maces.
.
.
.
Nën hënën e mbrëmjes
Nën hënën e mbrëmjes
kërmilli
zhvishet gjer në bel.
.
.
.
Edhe me insektet
Edhe me insektet –
disa mund të këndojnë,
disa jo.
.
.
.
Një bretk i madh dhe unë
Një bretk i madh dhe unë,
shohim njëri-tjetrin,
askush nga ne s’luan.
.
.
.
Në shiun pranveror
Në shiun pranveror
një vajze bukuroshe
i hapet goja.
.
.
.
Hera e fundit, besoj
Hera e fundit besoj,
që do të përzë mizat
nga fytyra e tim et’.
.
.
.
Dremita gjysmë dite
Dremita gjysmë dite
askush
s’më ndëshkoi!
.
.
.
Hëna sonte
Hëna sonte –
më merr malli madje
për turfullimin e saj.
.
.
.
E pyeta sa vjeç ishte
E pyeta sa vjeç ishte
vogëlushi me kimono të re
shtriu fort pesë gishtat
.
.
.
Edhe në ishujt më të vegjël
Edhe në ishujt më të vegjël,
po lërojnë arat,
laureshat këndojnë.
.
.
.
Para varrit të sime bije, tridhjetë ditë pas vdekjes
Vjeshtë që rreh era —
këto janë lulet alle
q’i pëlqente të mblidhte.
.
.
.
Poezia e tij e vdekjes
Të lajnë kur lind,
të lajnë kur vdes,
ç’marrëzi.
Shqipëroi Elvana Zaimi
