Kandidatja për deputete e Partisë Demokratike, Grida Duma, ka vizituar këtë të shtunë fermën e një banori në Rrogozhinë.
Gjatë bisedës me Grida Dumën, fermeri ka shprehur të gjitha problematikat që ndeshet çdo ditë, ku ndër më kryesoren përmendi mungesën e subvencioneve.
Gjithashtu fermeri tha se mungesa e investimit në infrastrukturë ndikon drejtpërdrejt tek fermerët e zonës.
Grida Duma theksoi se fermerit do t’i rikthehet subvencioni i drejtpërdrejt.
“Ne do të rikthejmë subvencionin e drejtpërdrejt për krerë, për dynymë dhe për mjete bujqësore. Nuk do të ketë më me aplikim. Kemi marrë vendim. Vetëm kartë identiteti, pa NIPT, drejtpërdrejt vetëm për njësi, për dynym sa ke, pa aplikim”, tha Duma.
