Kalon për gjykim dosja penale e Nevaldo Hajdarajt. Gjykata e Tiranës ka zhvilluar sot seancën paraprake ndaj ish-efektivit të forcave “Shqiponja” Nevaldo Hajdaraj, i akuzuar për vrasjen e 25-vjeçarit Klodian Rasha mëngjesin e 8 dhjetorit në zonën e Laprakës.
Avokati i ish policit kërkoi ndryshimin të akuzës nga vrasje me dashje në vrasje në kapërcim të kushteve të mbrojtjes së nevojshme. Raportohet se Nevaldo Hajdaraj i pranishëm në seancën e sotme, i ka kërkuar falje Qazim Rashës në sallën e gjyqit.
Ndaj efektivit të forcave shqiponja Prokuroria ka ngritur akuzën e vrasjes me dashje.
