“Bolino merret me intriga dhe shpërndan informacione tërësisht të pavërteta, tregon se ai është i motivuar në interesa”
Ish-deputeti socialist, Koço Kokëdhima, ka akuzuar sot botuesin e “Shqiptarja.com e Report Tv, Karlo Bolino, si spekullant e mashtrues. Kokëdhima ka reaguar kështu pasi mediat e Bolinon kanë akuzuar kandidatin e përzgjedhur nga Kokëdhima për kryetar të PS-së në Himarë. 
Në mediat e Bolinon ishte shkruar se kandidati i mbështetur nga Kokëdhima për kryetar i PS-së Himarë, Anduel Tahiraj, kishte të shkuar kriminale. Përmes një deklarate për mdiat, Kokëdhima thekson: “Fakti që Bolino, jo vetëm në këtë rast, por edhe në raste të tjera, merret me intriga dhe shpërndan informacione tërësisht të pavërteta, tregon se ai është i motivuar në interesa për t’u përfshirë në këto intriga dhe shpifje. Unë i kam njohur që të dy, edhe Bolinon edhe Gjicalin, dhe mund të them opinionin tim se Gjicali është një burrë me shumë vlera, madje qëndron shumë më lart nga vlerat e veta se sa Bolino. Kështu që nuk mendoj se duhet të bëhet rasti i tij një rast për sulme të paprecedenta, as për llogari të sulmeve që bëjnë ndaj meje kundërshtarët e mi politikë, dhe as për arsye të tjera”.
Koço Kokëdhima dhe Karlo Bolino kanë qënë ortak deri para pak muajsh dhe njihen si dy botues mediash shumë pranë kryeministrit Rama.
