Një banesë është përfshirë nga zjarri mëngjesin e sotëm në Fushë-Krujë. Shkak dyshohet të jetë bërë një shkëndije elektrike.
Ndërkaq, fatmirësisht e moshuara ndodhet në gjendje të mirë shëndetësore dhe nga flakët ka vetëm dëme materiale. Mësohet se 80-vjeçarja është ndihmuar nga fqinjët për të dalë jashtë.
Njoftimi i plotë:
Krujë/Informacion paraprak
Më datë 03.03.2021, në orën 07:20, në Fushë Krujë, dyshohet si pasojë e një shkëndije elektrike ka rënë zjarr në banesën e shtetases M. S., rreth 80 vjeçe, nga e cila ka vetëm dëme materiale. Shtetësja M. S., ndodhet në gjëndje të mirë shëndetësore.
Shërbimet e Policisë dhe të zjarrfikësve ndodhen në vendngjarje dhe po punojnë për shuarjen e zjarrit.
Grupi hetimor po punon për zbardhjen e rrethanave të ngjarjes dhe përcaktimin e shkakut të zjarrit.
