Reshjet e mëdha të shiu kanë shkaktuar probleme në qytetin e Vlorës, ku disa rrugë janë përmbytur.
Raportohet se në rrugën “Albana e Romina”, është bllokuar qarkullimi për shkak të prezencës së madhe të ujit. Po ashtu, probleme janë shfaqur dhe në zonën në afërsi të Skelës, pranë Universitetit të Vlorës.
Mësohet se reshjet e shiut kanë qenë shumë intensive gjatë natës, për të vijuar dhe në mëngjes. Duke marrë parasysh motin e keq, autoriteti portual i Vlorës ka pezulluar lundrimin e trageteve por dhe të anijeve të peshkimit.
