Ministrja e Shëndetësisë Ogerta Manastirliu ka folur në lidhje me masat e reja kundër COVID-19 të vendosura sot nga Komiteti Teknik për pandeminë.
Manastirliu tha në emisionin “Opinion” masat e reja do të jenë vendimtare për të vlerësuar nëse pas dy javësh do të shtohen masat apo do të lehtësohen.
Rrezikojmë të shkojmë në masa më strikte në vijim?
Masat do të qëndrojnë 14 ditë dhe këto dy javë do të jenë vendimtare dhe të gjithë duhet të sakrifikojnë. Zbatimi i masave në dy javët e ardhshme do të jenë përcaktuese nëse do të kemi një shtrëngim të masave ose një lehtësim të tyre.
Shkollat do vazhdojnë rregullisht?
Komiteti ka rekomanduar bërjen e mësimit online dhe në shkollë. Ndërsa në këtë dy javë shkollat e mesme do të bëjnë shkollën online për shkak se grupmosha 15-24 ka pasur një incidentë në rritje.
