Gazment Bardhi, drejtuesi politik i Partisë Demokratike në Elbasan është shprehur se qeveria në tetë vite e ka braktisur fshatin, por pas 25 prillit, sipas tij, PD do ta ndryshojë situatën.
Në një postim në Facebook, Bardhi shprehet se në tetë vite qeveria nuk ka mbajtur asnjë premtim dhe nuk u ka dhënë fshatarëve asnjë mbështetje. Më tej ai shton se PD do ta ktheje normalitetin në jetën e çdo banori te fshatrave të Shqipërisë.
“Banorët e fshatrave të qarkut Elbasan mbijetojnë falë punës së palodhur nga ku sigurojnë produktet e bujqësisë dhe blegtorisë.
Ne do të kthejmë normalitetin në jetën e çdo banori të fshatrave tona, duke ndalur braktisjen masive nga të rinjtë. 100 milion euro në vit mbështetje për bujqësinë dhe blegtorinë do shkojnë për fshatarët dhe fermerët, jo për xhepat e miqve të qeveritarëve. Me Partinë Demokratike Elbasani fiton. Shqipëria fiton.”
