Kant Ndoji është larguar nga detyra për neglizhence në kryerjen e detyrës
Ministri i Drejtësisë, Ylli Manjani, shkarkoi sot nga detyra, drejtorin e burgut të Lezhës, Kant Ndoji. Ai është shkarkuar për “neglizhence ne kryerjen e detyres”. Largimi i kreut të burgut të Lezhës vjen për shkak të lirimit nga qelia, të burgosurit Shuaip Zukaj nga Deçani i Kosovës, i dënuar me 20 vjet burg për akuzën e vrasjes në Kosovë.
Shtetasi kosovar është liruar nga burgu pasi ka kryer pjesën e dënimit që duhet të vuante në Shqipëri por pala shqiptare do të duhej ta kishte dorëzuar atë pranë autoriteteve kosovare për të vuajtur pjesën tjetër të dënimit.
