Këngëtari i njohur nga Struga, Selami Kolonja ka dërguar një mesazh urimi në kuadër të 30 vjetorit të themelimit të Shoqatës Patriotike “Çamëria”.
Kolonja shprehet se ashtu siç bënë rilindasit tanë një shekull më parë, ashtu bënë edhe intelektualët dhe patriotët që 30 vite më parë themeluan Shoqatën “Çamëria”, ngritën shumë tribuna, konferenca e debate për një krah të këputur të shqiponjës shqiptare.
Mesazhi i plotë i Selami Kolonjës
“Çamëria një plagë shqiptare, një brengë e rënduar, një mall i pashuar, një poezi e pambaruar, një këngë e pakënduar! Do të ishim bosh në shpirt pa ngritur institucionalisht këtë kauzë të shenjtë dhe të shtrenjtë kombëtare.
Ashtu siç bënë rilindasit tanë një shekull më parë, ashtu bënë edhe intelektualët dhe patriotët që 30 vite më parë themeluan Shoqatën “Çamëria”, ngritën shumë tribuna, konferenca e debate për një krah të këputur të shqiponjës shqiptare.
Edhe unë jam Çam!”
