Lezha është një ndër zonat më problematike për shkak të motit të keq që ka përfshirë të gjithë vendin. Më serioze paraqitet situata në fshatin Torrovicë. Për shkak të rrëshqitjes së dherave rrezikohen dy banesa.
Një prej familjarëve thotë se po jetojnë me frikë dhe kërkon ndërhyrjen e menjëhershme nga autoritetet përgjegjëse.
“Frika më e madhe është shembja e dheut. Na merr dy banesa me gjithë familje. Kanë ardhur ata të emergjencave civile. Sot nuk kanë ardhur akoma. Kërkojmë ndihmë nga shteti. Kemi frikë të jetojmë në banesa’, thotë ai për ABC.
Po ashtu, një tjetër banor shprehet se rreziku është shumë i madh dhe se duhet ndërhyrje.
“Rrezikohen dy shtëpi të komshijve. Mbrëmë kanë ardhur për të fjetur tek ne se është shumë keq situata. Nëse nuk ndërhyhet, ikën shtëpia e parë. Më frikë kemi gurët se dheun”, thotë ai. g.v/abcnews.al
