Drejtuesja e Komitetit Teknik të Ekspertëve, Mira Rakacolli njoftoi se do të vijë ora policore pas orës 22:00 dhe kufizimet e tjera.
Rakacolli tha se do të vazhdojë edhe për dy javë mësimi online në universitete.
“Mendohet se kjo situatë e qëndrueshme është pasojë e masave të 2 javë të fundit, të vazhdojnë në fuqi ora policore pas orës 22:00, universiteti edhe 2 javë online dhe po kështu fluturimet me Britaninë e Madhe të mbeten të pezulluara deri në datën 18 janar. Është një situatë që duhet të jemi të vëmendshëm. Priten edhe pasojat që mund të kenë grumbullimet për festat e fundvitit. Të vazhdojmë të përdorim masën dhe të ruajmë distancimin fizik dhe social”,- tha Rakacolli.
