Mëngjesi i kësaj të marte ka sjellë një fluks të shtuar familjarësh para spitalit Infektiv. Raportohet se bëhet fjalë për të afërm të pacientëve që janë shtruar të orët e fundit në këtë spital.
Gjithashtu ditën e sotme kishte dhe një fluks automjetesh para spitalit Infektiv. Si duket familjarët e ndjejnë të nevojshme të qëndrojnë pranë pacientëve.
Ministria e Shëndetësisë njoftoi dje se në 4 spitalet COVID, po trajtohen 274 pacientë, 28 në terapi intensive nga të cilët 7 pacientë janë të intubuar.
