Importet e birrës në janar-prill u rritën me 44 për qind
Barra e taksave po i bën gjithnjë e më pak konkurruese prodhimet vendase. Vështirësive të prodhimit u është kthyer në ngarkesë të papërballueshme edhe barra e taksave. Një rast shqetësues është edhe prodhimi i birrës. Importet e birrës sipas Ministrisë së Financave kanë patur një rritje me 44 për qind në janar-prill të 2016. Në këtë periudhë janë importuar 7.6 milionë litra birre nga 5.3 milionë në të njëjtën periudhë të 2014. Operatorë të tregut pohojnë se prodhimi i vendas i birrës është në pozicion të vështirë për shkak të konkurrencës së birrës Peja. Importi i saj është rritur me 20 për qind për shkak se, sipas prodhuesve, Birra Peja paguan akcizë njësoj si birra vendase dhe për më tepër paguan akcizë njësoj edhe për prodhimin mbi 200 hektolitër ndryshe nga birra vendase, duke ofruar kështu çmimin më të lirë për shkak të taksimit favorizues. Sipas prodhuesve të birrës klima e biznesit është rënduar se tepërmi. “Nuk ka qenë kurrë më parë kështu. Biznesi është në klimë tmerri. Barra fiskale është rritur 50 për qind, por nga ana tjetër kontrollet nga të gjitha llojet janë rritur me 100. Plus politikat e gabuara të qeverisë në disfavor të prodhimit vendas. Situata është alarmante 40 për qind e bizneseve në vend po falimentojnë” thotë prodhuesi I Birrës Stela Stefan Pinguli.
