Kryetarja e Komitetit Teknik të Ekspertëve, njëherësh zv.ministre e Shëndetësisë, Mira Rakacolli ka deklaruar se ende nuk ka një datë se kur do të mbërrijë vaksina anti-COVID në Shqipëri.
Rakacolli tha në studion e ABC me Juli Xhokaxhi, se vaksina do të jetë në vend në tremujorin e parë të 2021.
E pyetur nëse duhet ta bëjnë vaksinën personat që e kanë kaluar virusin, Rakacolli tha se për këtë ka dy këndvështrime.
“Nuk kemi një datë të saktë. Do të jetë brenda 3 muajshit të parë të vitit 2021. Vaksina nuk do të jetë e detyruar dhe do të jetë falas. Në ato që ne diskutojmë ka qëndrime të ndryshme. Ka shkolla që thonë se nuk ke nevojë ta bësh, por ka edhe shkolla të tjera që rekomandohet pas një periudhe si 6 muaj apo më pas”, tha Rakacolli.
