Kryeministri Edi Rama ka reaguar për shkatërrimin e godinës së selisë së PS nga protestuesit në qytetin e Shkodrës duke komentuar pjesëmarrjen e fëmijëve.
Në reagimin e tij, Rama uron që të mos ketë prind demokrat apo opozitar që pranon këtë abuzim esktrem, ndërsa nuk i kursen fjalët ndaj opozitës.
Postimi i plotë
Terroristët e Boko Haramit i përdorin fëmijët si kamikazë, nuk janë të parët në radhën e abuzuesve të minorenëve! Historia njeh disa raste kriminale me fëmijët, por që të shfaqej në Shqipëri si streha e fundit e maskarallëkut të politikës opozitare kjo është tejet e dhimbshme!
Uroj shumë dhe besoj fort se nuk ka prind demokrat e opozitar që ta pranojë këtë abuzim ekstrem me kalamajtë të udhëheqësve pa atdhe, pa din e as iman, pa shpirt e as tru, të kësaj opozite të mjerë në boshllëkun e saj moral dhe karakterin e saj kriminal! Mos i harroni këto kurrë!
