Britania e Madhe është bërë vendi i parë në botë që ka miratuar vaksinën për Covid-19, të përgatitur nga Pfizer/BioNTech, për përdorim të gjerë.
Rregullatori britanik, MHRA, ka njoftuar se vaksina, që rezulton se ofron mbrojtje deri në 95% kundër sëmundjes Covid-19, është e sigurt për t’u përdorur, raporton BBC.
Britania e Madhe tashmë ka porositur 40 milion doza, të mjaftueshme për të vaksinuar 20 milion njerëz, me dy të injeksione secili. Rreth 10 milion doza duhet të jenë në dispozicion së shpejti, ndërsa dozat e para mbërrijnë në vend, në ditët në vijim.
Vaksinimi pritet të nisë shumë shpejt, autoriteti e Shëndetit kanë bërë thirrje që qytetarët të vijojnë të qëndrojnë vigjilentë dhe të ndjekin rregullat anti-Covid për të ndaluar përhapjen.
