Diego Armando Maradona është përcjellë për në banesën e fundit nga anëtarët e familjes dhe miqtë e ngushtë, të cilët ishin të vetmit që u lejuan në varrezat Jardin bella Vista në Buenos Aires. Ai është varrosur pranë prindërve të tij, Dalma dhe Diego, ndërkohë që rrugët sot ishin pushtuar sërish nga tifozët.
Deri ditën e djeshme, në orën 18:00, për 12 orë njerëzit kishin mundësinë të bënin nderimet e fundit në pallatin presidencial, ndërkohë që nuk munguan edhe trazirat që sollën edhe arrestime e njerëz të plagosur.
Edhe pse një ceremoni mortore, tifozët kishin mbushur rrugët me flamu j kombëtar dhe kënduan për idhullin e tyre. “Diego nuk ka vdekur, Diego jeton te njerëzit”, ishte një nga koret e shumta që dëgjohej, ndërkohë që tifozët një ditë më parë kishin hipur në kangjellat e pallatit presidencial.
