Pasija e përgjimit ndodhet në Shqipëri por nuk është përdorur për përgjim. Kjo është përgjigja që vjen nga policia italiane për Prokurorin e Përgjithshëm Adriatik Llalla. Përmes një letre drejtuar prokurorit të përgjithshëm, drejtori i policisë italiane sqaron se pasija është përdorur vetëm nga pala italiane dhe nuk është përdorur për përgjim por vetëm për trajnime. Në letër theksohet se paisja në fjalë është në zotërim të Interforce.
“Aparatura ka ardhur në mëyrë ligjore dhe përdoret për trajnimin e agjentëve të policisë. Nuk është përdorur në asnjë operacion policor”,, theksohet në letrën e kreut të policisë italiane.
Por përmes kësaj letre, kreu i policisë italiane ka bërë një pohim të rëndësishëm për debatin që po bëhet aktualisht në Shqipëri. Kjo letër vërteton prezencën e kësaj paisje në Shqipëri gjë që është kundërshtuar me forcë nga kryeministri, ministri i Brendshëm Saimir Tahiri e krerët e policisë. Për detaje të tjera nëse është përgjuar apo jo, priten përfundime të hetimeve.
