Gazetari Ilir Kadia ka reaguar në lidhje me zgjedhjen që ka bërë i biri, Besart Kadia si zëvendësministër i Financave në qeverinë Rama.
Vetë Ilir Kadia, i cili dikur ka mbajtur postin e këshilltarit të ish-kryeministri Sali Berisha në një postim në rrjetet sociale u është drejtuar me një mesazh të gjithë kritikëve për vendimin e djalit të tij.
Ai shkruan mes të tjerash se të gjithë kanë të drejtën e tyre të shprehen kundër këtij vendimi, por nuk mund ta shoqërojnë mendimin me fjalë fyese.
“Shumë miq facebook-u mbajnë qëndrim kundër pranimit të detyrës së zëvëndës ministrit të financave në qeverinë Rama nga im bir! Janë në të drejtën e tyre! Mirëpo, kur këtë qëndrim e shoqërojnë me fjalë fyese dhe të pavërteta të tjera, atëherë nuk mund të jenë miq me mua! Kaq e thjeshtë është! Shëndet të kenë”,- shkruan ai.
