Cristiano Ronaldo-n duket se nuk e ndal asgjë. Edhe pse shihej me dyshime pjesëmarrja e tij me kombëtaren luzitane pas dëmtimit që pësoi, portugezi u aktivizua në pjesën e dytë ndaj Andorras.
Sapo hyri dhuroi menjëherë një asist për Sanches ndërsa në minutën e 85-të realizoi me kokë golin e 6-të për Portugalinë.
Ky ishte një gol që nuk kishte asnjë vlerë të veçantë për luzitanët por për CR7 ishin një gol jubile. Sulmuesi i Juves arrin në kuotën e 746 golave në karrierë duke barazuar një legjendë si Ferrenc Puskas, një rekord i jashtëzakonshëm që e vendos në vendin e katërt në listën e golashënuesve më të mirë në historinë e futbollit botëror.
