Këshilli i Lartë Gjyqësor ka pranuar kërkesën për dorëheqje nga posti, të Gjyqtarit të Gjykatës së Posaçme kundër Korrupsionit dhe Krimit të Organizuar, Fran Prendi.
Prej datës 30 tetor, Prendi nuk ka më funksionet e gjyqtarit të Gjykatës së Posaçme.
Prendi ka deklaruar se do të vijojë punën në sektorin privat. Raportohet se Prendi ka qenë gjyqtari në seancën paraprake për shqyrtimin e “Dosjes 339”. Ai ka dhënë vendimin për Fadil Kasemin që vrau bashkëshorten gjyqtare, Fildez Hafizi.
Gjithashtu Prendi ka dënuar në shkallë të parë edhe grupin e Emiljano Shullazit.
