2 të vdekur dhe të paktën 15 të lënduar është bilanci i sulmeve me armë që ndodhën mbrëmë në Vjenë afër një Sinagoge dhe në pesë vende të tjera.
Njëri prej autorëve të sulmit u vra nga agjentët e policisë, ndërsa pjestarët ë tjerë të komandos sulmuese u vunë në pranga.
Gjatë sulmit të mbrëmshëm të ndodhur në afërsi të zonës historike të Vjenës rreth orës 20.00, pati edhe një sulm me lëndë shpërthyese.
Viktimat e këtij sulmi të kordinuar në 6 pika të ndryshme të Vjenës janë një punonjës policie dhe një kalimtar. 7 prej 15 të plagosurëve mësohet se janë në gjendje të rëndë.
Për autoritetet e larta austriake bëhet fjalë për një sulm terrorist.
Në këtë sulm mendohet se kanë marrë pjesë të paktën 10 persona. Mediat austrike kanë deklaruar se atentatori që u vra nga policia, kishte veshur edhe një rrip me lëndë shpërthyese, ndërsa në trup i janë gjetur dhe sasi të konsiderueshme municionesh të forta.
Ky sulm ka sjellë reagime të menjëhershme nga e gjithë arena ndërkombëtare.
