Personat fizikë para çregjistrimit duehn paguar detyrimet në tatime
Ndonëse ka një fluks të lartë për të cregjistruar subjektet qendra kombëtare e biznesit shumë nga aplikantët po i kthen mbrapsht. Kjo për faktin se procedura kërkon që para mbylljes së biznesit të jenë paguar të gjitha detyrimet. Kjo ka vënë në vështirësi serioze shumë subjekte të cilat duan të mbyllen pikërisht se nuk kanë aftësi paguese. QKR, në bazë të ligjit, ka sqaruar se detyrohet të refuzojë kërkesat për çregjistrimi pasi bizneset duhet që më parë të kenë shlyer të gjitha detyrimet tatimore. Por bizneset në sportelet e QKR, kryesisht persona fizike pohojnë se duan të mbyllin aktivitetin për shkak se nuk kanë aftësi paguese të detyrimeve.
Për shoqëritë tregtare edhe kur janë borxhlije në tatime falimenti kalon me një proces të kërkuar në gjykatë nga tatimet ose nga vetë ndërmarrje në faliment, por personat fizik kjo procedurë është e pamundur për shkak të kostove dhe të procesit të gjatë. Por ndërkohë që bizneset e vogla nuk arrijnë çregjistrimin, borxhi tatimor i tyre vijon të rritet ndonëse ata nuk kanë aktivitet.
