Specialisti i xhenios ka mbetur i plagosur në momentin që u hodh në erë me 200 kg eksploziv pallati 12-katësh në qytetin bregdetar, pasi ishte shpallur i pabanueshëm si pasojë e tërmetit të vitit të kaluar.
Specialisti i repartit të xhenios që u lëndua në Durrës pasditen e sotme është jashtë rrezikut për jetën.
Raportohet se pasi mjekët i qepën plagën në nofull, ushtaraku po merr serum dhe ndodhet në kujdesin e mjekëve. Ushtarakun e kapi një cifël betoni, e cila u shkëput nga pallati nga shpërthimi i fuqishëm.
