Partia Demkratike ka paditur në gjykatë Kryetarin e Bashksië së Tiranës, Erion Veliaj, pasi akuzohet për shpifje ndaj kreut të PD-së Lulzim Basha.
Gjykata e Tiranës bën të ditur se padia konsideron si shpifje të Erion Veliajt akuzat se 1) kryedemokrati është bërë me katër shtëpi pas tërmetit të 26 nëntorit; 2) se Basha ka përfituar gjatë periudhës së fatkeqësisë së tërmetit dhe 3), se ka ndërtuar pa leje.
“Këto të pavërteta janë bërë me qëllim dëmtimin e reputacionit dhe dëmtimin e imazhit në mënyrë të qëllimshme, duke qenë se Lulzim Basha është Kryetar i PD në opozotë dhe Erion Veliaj, si drejtues i fushatës zgjedhore të PS për qarkun e Tiranës, këto deklarime shpifëse i përdor për të përfituar kredo politike përballë qytetarëve, si për vete dhe për PS”- thuhet në padinë e ngritur për shpifje ndaj Veliajt.
