Gjykata e Apelit la ditën e sotme në fuqi masën “arrest shtëpie” gjyqtaren Mimoza Margjeka, e cila akuzohet se ka marrë ryshfet 6 mijë euro për të nxjerrë nga burgu një person në Korçë.
Pas daljes nga gjykata, ka pasur momente tensioni ku vetë Margjeka ka kërkuar që të flasë për mediat, ndërsa është ndaluar nga policia.
Lidhur me këtë ka reaguar sekretarja e përgjithshme e PDIU, Mesila Doda, e cila në një status në Facebook shkruan se “Mimoza Markgjekaj duhet të lejohet të flasë publikisht dhe të gjithë të kuptojnë deri ku shkon hakmarrja e rregjimit që ka rrjeshtuar gjithë segmentet e drejtësisë në një ushtri personale të diktaturës“.
Statusi i plotë
Ku e gjen kurajon policia dhe gjykata që nuk lejojnë Mimoza Markgjekajn që të flasë? Pse nuk hapet gjyqi dhe nuk ka asnjë transparencë në këtë proces? është evidente që është hakmarrje e pisët e regjimit, po si është e mundur që i mbyllin gojën gjyqtares dhe të gjithëve ne na duket normale??? Mimoza Markgjekaj duhet të lejohet të flasë publikisht dhe të gjithë të kuptojnë deri ku shkon hakmarrja e rregjimit që ka rrjeshtuar gjithë segmentet e drejtësisë në një ushtri personale të diktaturës.
