Dy automjete janë përplasur mëngjesin e sotëm në fshatin Domje, Tiranë, e për pasojë janë lënduar 4 persona.
Mësohet se mes të lënduarve janë edhe dy punonjës policie të cilët ishin duke lëvizur me makina personale, jashtë shërbimit të punës.
Ende nuk dihen shkaqet e aksidentit, ndërsa të lënduarit janë jashtë rrezikut për jetën.
Njoftimi i policisë
Tiranë/Informacion paraprak
Me date 22.09.2020, rreth orës 09:30, tek kryqëzimi i Laknasit, në Bërxullë, janë përfshirë në përplasje mjeti me drejtues shtetasin K.M., dhe pasagjer V.Zh, me mjetin me drejtues shtetasin A.N. Si pasojë e përplasjes janë dëmtuar drejtuesi i mjetit K.M dhe pasagjeri në mjet V.Zh., të cilët u dërguan në spital, dhe ndodhen jashtë rrezikut për jetën.
Grupi hetimor dhe sherbimet e Policisë ndodhen në vendngjarje dhe po punojnë për zbardhjen e plotë të rrethanave të ngjarjes.
