Këngëtarja shqiptare me famë ndërkombëtare, Ava Max, ka publikuar dje albumin e saj të parë në karrierë, “Heaven and Hell”.
Albumi duket se ka pasur shumë sukses që në 24 orët e para të publikimit. Kjo pasi “Heaven and Hell” është ngjitur menjëherë në vendin e parë në top listën zyrtareve të albumeve në iTunes, në nivel global.
Ajo publikoi dy fotografi, në njërën prej së cilës shfaqej top lista zyrtare me albumet më të kërkuara të momentit në iTunes, ku i pari renditet ai i këngëtares 25-vjeçare, ndërsa në fotografinë tjetër, Ava Max pozoi me disa balona në duar për të festuar këtë sukses.
“Albumi numër 1 nivel global, ju djema jeni të egër! Faleminderit”, ka shkruar në mbishkrimin e fotografive këngëtarja.
Duke u renditur e para në këtë listë, shqiptarja ka lënë prapa albumet e emrave të njohur botërorë si: Alicia Keys, Mrilyn Manson dhe Adele.
