Presidentja e KE-së, Ursula Von der Leyen ka deklaruar se vendimi për hapjen e negociatave me Shqipërinë dhe Maqedoninë e Veriut ishte vërtet historik.
Në fjalimin për gjendjen e Bashkimit Europian në PE, Von der Leyen ka theksuar se së shpejti do të prezantojnë një paketë rimëkëmbje ekonomike për Ballkanin Perëndimor.
“Vendimi i Bashkimit Europian për hapjen e negociatave me Shqipërinë dhe Maqedoninë e Veriut ishte vërtet historik. Ballkani Perëndimor është vërtet pjesë e Europës dhe jo vetëm një ndalesë në rrugën e mëndafshtë. Ne do të prezantojmë së shpejti një paketë rimëkëmbje ekonomike për Ballkanin Perëndimor. Kjo paketë do të mbështetet në disa inisiativa për investimet në rajon”, ka deklaruar presidentja e KE.
