Sekretari i Përgjithshëm i Partisë Demokratike Gazment Bardhi ka reaguar pas vendimit të qeverisë për të kthyer kazinotë në qendër të Tiranës.
Bardhi thotë se Rama shkeli premtimin për këtë çështje, duke treguar sipas tij se është në pazar të pistë me botën e krimit që menaxhon kumarin.
Ai sjell edhe premtimin e Ramës për heqjen e kazinove dhe lojërave të fatit.
“Çfarë e detyroi Edi Ramën të shkelë edhe premtimin kundër kumarit?
Heshtja e tij për të dhënë shpjegime për këtë çështje, tregon se ai është në pazar të pistë me botën e krimit që menaxhon kumarin.
Kur të dëgjoni herë tjetër Edi Ramën duke premtuar diçka, kujtoni edhe mashtrimin me bixhozin dhe hiqjani vizën! Është gënjeshtar”, shkruan Bardhi.
