Nga: Shuquri Sejdijaj
Tash disa ditë Stokholmi, kryeqytet i Suedisë, jeton me emocionet e festivalit evropian “Eurovision”. Ky festival ndjehet gjithëkund në qytet dhe tani njerëzit pyesin: ku do ta shikosh finalen?
Dy mbrëmjet semifinale më 10 e 12 maj ngritën temperaturat në kryeqytet që kësaj here vërtetë u përshkua edhe me temperatura të verës suedeze. Por festa e madhe ndodhë të shtunën më 14 maj ku arena në Globen do të ziej emocione të shumta.
Shqipëria sivjet u përfaqësua me këngen “Përrallë” të interpretuar nga këngëtarja Eneda Tarifa. Ajo bëri aq sa mundi-por nuk kaloi për në finale. Dje jo të gjithë që paraqiten në këtë festival shkojnë në finale.
Megjithëkëte duket sikur një “përrallë” tjetër i shoqëron këto veprimtari ekipet shqiptare. Qysh në mbrëmjen përuruese më 8 maj në ambientet e Bashkisë së Qytetit në Stokholm, aty ku shtrohet darka e famshme për laureatët e Çmimit Nobël, ishte vrejtur neglizhencë tek një pjesë e ekipit shqiptar. Në vend se të vrapohej për të filmuar skena më interesante të mbrëmjes ata vraponin se kush do haj e pij më shumë dhe mbase mos po bie n’grep ndoj “zogzë”!
Përralla jasht “Përrallës”, ka vazhduar edhe në ambiente tjera e madje edhe në mbrëmjen semifinale kur Shqipëria do të dilte me këngen e saj. Stilistës së Tarifes i jipet kërcnimi se do ti rrëmbehen fustanet! Ose, çka do të nodhte në Suedi sikur drejtori gjeneral të ulej në fotele me këngëtaren që do përfaqësonte Suedinë në Eurovision? Po të uleshin kompozitoret, Zhulali e Saraçi krejt OK por drejtori gjeneral?
Pse?….Dhe jo vetëm kaq.
Po si nuk shfaqi interesim asnjë medium që të lidhet me përfaqësuesit e mediave në këtë festival për ti sjellë publikut këtë ngjarje të madhe kulturore?! Përrallë në vete edhe kjo!
Sidoqoftë ka grimca që të japin pak shpresë. Ndërsa po shetisnim në rrugën e mbretëreshës në qendër të Stokholmit me Edmond Zhulalin, Milaim Zekën dhe Shpëtim Saraçin, befas vrapon një çift i ri dhe i drejtohet Shpëtimt:
– Më falni ju lutem, mund të bëjmë një foto së bashku? Kemi ardhë nga Greqia për të suportuar këngen shqiptare!
/http://www.parrotlla.net/
