Robert Trump, vëllai më i vogël i presidentit të SHBA-së, Donald Trump ka ndërruar jetë në moshën 71 vjeçare.
Mësohet se Robert Trump ishte shtruar në një spital në New York në gjendje të rëndë shëndetësore por nuk dihet nga se vuante.
Lajmi u bë publik nga presidenti i SHBA i cili tha se kujtimet do të mbeten në zemrën e tij përgjithmonë.
“Me hidhërim të thellë, njoftoj se vëllai im i mrekullueshëm, Robert, paqësisht u nda nga kjo botë. Ai do të jetë një mungesë e madhe, por ne do ta takojmë sërish. Kujtimet e tij do të mbesin të gjalla në zemrën time përgjithmonë. Robert, të dua shumë. Pusho në paqe”, tha Trump.
