Jetmir Muçollari, pronari i hotel “Voloreka” drejt të cilit ditën e sotme u zbrazën 100 plumba kallashnikovi, ka folur për mediat duke treguar për ngjarjen.
Ai thotë se ngjarja ka ndodhur rretj orës 04:00 të mëngjesit, ku dy eprsona të armatosur kanë goditur në drejtim të hotelit, me plumbat që janë drejtuar edhe drejt dhomave të turistëve dhe dhomës ku flinte djali i tij.
Muçllari deklaron se i ka denoncuar me emra autorët, por policia nuk vepron, ndërkohë që shprehet se ndihet i rrezikuar së bashku me familjen dhe ka kërkuar azil për dy djemtë e tij.
“Kanë qenë dy persona në këmbë, të cilët kanë qëlluar me kallashnikov,duke shkehur disa karikatorë në drejtim të makinave të parkuara dhe hotelit. Atentatorët kanë qëlluar disa herë në drejtim të dhomës ku flinte djali dhe dy dhomave ku ishin turistë. Nga plumbat nuk ka persona të lënduar. Fillimisht autorët qëlluan në drejtim të rojes së hotelit, duke i kërkuar që të mos lëvizte. Plumbat dëmtuan dy makinat e mia dhe të djalit dhe 4 mjete të turistëve. Jemi të kërcënuar si familje. Kërkojmë mbrojtje nga policia. Dyshoj se objektiv i atentatit të sotëm dhe atij që ndodhi para një jave ka qenë djali im. I kam denoncuar me emra autorët por policia nuk po vepron. Kërkoj azil për dy djemtë, pasi këtu ju rrezikohet jeta”, deklaron Jetmir Muçollari.
