Detaje të reja janë mësuar nga ekzekutimi i 57-vjeçarit Gëzim Saraçi një ditë më parë në Gjirokastër.
Mësohet se autori 33-vjeç Mihal Thimjo ishte muzikant nëpër dasma, ndërsa më herët kishte punuar edhe me mjete të tonazhit të rëndë.
Gazetari Orgest Sako raporton për abcnews.al se autori e ka pranuar krimin duke deklaruar se viktima i kishte thënë “grek”, shprehje të cilën ai e ka marrë si ofendim dhe më pas konflikti mes tyre ka marrë përmasa tragjike.
Autori dhe viktima kanë qenë në gjendje të dehur në momentin e krimit, pasi po ktheheshin nga një drekë, ku kishin qenë së bashku.
Thimjo u arrestua nga policia 6 orë pas ngjarjes së rëndë, në automjetin e tij duke udhëtuar në një rrugë nacionale pasi kishte ndërruar rrobat e krimit në një banesë.
