Samiti Rajonal i liderëve të Ballkanit Perëndimor është zhvilluar pasditen e sotme në mënyrë virtuale.
Në mbledhjen online të organizuar nga Këshilli Atlantik, i pranishëm ishte edhe kreu i qeverisë shqiptare, ku u shpreh se nuk duhet të mungojë bashkëpunimi për të dalë nga kjo situatë pandemie.
“Është e rëndësishme ta bëjmë këtë edhe unë angazhohem, i ftoj të gjithë kolegët ta mirëpresin këtë dhe mbështes këdo që e ka thënë këtë. Aq lehtë sa e bëjmë kur jemi te Këshilli Atlantik, ky format është shumë i lehtë. Nëse ju këshilli Atlantik dhe të tjerët që janë prezent, BE, etj, nëse do të na bashkoheshit do të ishte më shumë ndihmë, që të ecim më shpejt dhe nuk duhet të dëgjojmë politizimin që i bëhet këtij procesi, sepse kurrë nuk ka ndihmuar për njerëzit. Duhet ta kalojmë këtë periudhë pandemie se së bashku”, tha Rama.
Në Këshill morën pjesë udhëheqësit e 6 vendeve, kryeministri Rama, kryeministri i Kosovës Avdullah Hoti, presidenti i Serbisë, Aleksandar Vuçiç, presidenti i Maqedonisë Veriore, Stevo Pendarovski, Kryetari i Këshillit të Ministrave në Bosnje dhe Hercegovina Zoran Tegeltija, ndërsa Mali i Zi u përfaqësua nga ministrja e Ekonomisë, Dragica Sekulic.
