Kryetari i PDK, Kadri Veseli, ka thënë se është në gjendje të mirë shëndetësore pas infektimit me COVID-19.
Përmes një postimi në rrjetin social Facebook, Veseli shkruan se deri sa të shërohet plotësisht ai do të jetë në vetizolim.
“Të dashur qytetarë. Ju falënderoj nga zemra për kujdesin dhe mesazhet inkurajuese që po më dërgoni këto ditë gjatë ballafaqimit me covid-19. Dua të ju informoj se unë jam shumë mirë me shëndet dhe deri në shërim të plotë do të qëndroj në vetizolim.
Mezi po pres të rikthehem në aktivitete dhe shumë punë të mira në Partinë Demokratike të Kosovës. Ju ftoj të gjithëve që të bëni shumë kujdes, t’i respektoni masat, t’i vendosni maskat, të mbani distancën dhe higjienën”, shkruan Veseli.
