Trajneri i Tiranës, Emmanuel Egbo i ftuar në emisionin “ABC e Mëngjesit“, aty ku preku disa tema, nga ardhja në Shqipëri në vitin 2001, puna si portier, trajner portierësh, zv trajner dhe trajner i parë, e deri te gjërat që i kanë bërë përshtypje nga vendi ynë, racizmi, besimi i tij i fortë dhe respekti i vlerësimi nga populli bardheblu.
Gjatë intervistës, ai u shpreh se ka ndjekur ndeshjet e kombëtares ku në shumicën e rasteve ai u shpreh se ka kënduar edhe himnin e flamurit, për ta demostruar këtë në studion e “ABC-së së Mëngjesit”, drejtuesja e emisionit Sibora, së bashku me Egbo kënduan himnin e flamurit .
“Kombëtarja e Shqipërisë? I kam parë shumicën e ndeshjeve, e kam kënduar edhe himnin. E di himnin shqiptar. Duhet ta dish historinë, himnin, liderët politikë, kur merr nënshtetësinë e atij vendi”, përfundon Egbo.
