Pas takimit që ka patur me ambasadoren e amerikane, Edi Rama ka vendosur të bëjë kokëfortin edhe me Shtetet e Bashkuara si e shkuara komuniste e partisë që drejton. Madje, si diktatori Enver Hoxha thotë që partia e tij do të bëjë atë që do populli.
Mësohet se Yuri Kim i ka kërkuar me forcë që të heqë dorë nga Aventura politike, të cilës i ka hyrë dhe të votojë pa asnjë ndryshim Marrëveshjen e 5 qershorit.
Përmes një video të pubikuar në facebook, Rama thotë se listat e hapura janë të rëndësishme për demokracinë dhe krijojnë lidhje me votuesit.
“Është koha për lista të hapura. Listat e hapura janë të rëndësishme për demokracinë dhe krijojnë lidhje mes votuesit dhe të zgjedhurve.
Në vend që deputetët të zgjidhen nga krerët e partive janë qytetarët ata që vendosin.
Le t’i hapim portën listave të hapura për një demokraci. Hapja e listave përfshin qytetarët edhe në zgjedhjen e deputetëve, jo vetëm të partive dhe ne do të hapim listat, sepse Partia Socialiste do atë që duan qytetarët”, thuhet në video.
