Maj 1996/ “Koha Jonë”, historia e një gazete që dokumentoi momente të rëndësishme të 25 viteve
Sot gazeta “Koha Jonë” ka 25 vjetorin e lindjes. Është një media, e cila ka dokumentuar momente të rëndësishme të historisë së Shqipërisë në 25 vitet e fundit. Ishte ndër mediat më me influencë në publik, veçanërisht në vitet 1992-1998. Botues i “Koha Jonë” ishte Nikoll Lesi. Kjo media është drejtuar nga gazetarët më në zë në Shqipëri.
Ky që shihni në fotografi është njëri prej tyre, Aleksandër Frangaj, dikur kryeredaktor i gazetës “Koha Jonë”. Ishte viti 1996 kur ai vendosi të hyjë në politikë dhe të kandidonte për deputet në siglën e PAD-së. Ishte 27 vjeç dhe kandidonte për deputet në vendlindjen e tij në Lezhë. Në një intervistë për gazetën që drejtonte, Frangaj shpjegon pse kishte vendosur të hynte në politike dhe pse besonte se do ta votonin lezhianët.
“Hyj në politikë për t’i shërbyer njerëzve”, është titulli i intervistës së Frangajt për Koha Jonë në maj 1996.
