Kreu i PD, Lulzim Basha i ka bërë thirrje kryeministri Edi Rama që t’i thërrasë ndërgjegjes, pasi sipas tij, Rama nuk e ndal dot rrotacionin politik.
Basha shprehet se opozita është e vendosur të respektojë marrëveshjen e 5 qershorit për Reformën Zgjedhore, në të cilën nuk përfshihen ndryshimet kushtetuese të propozuara nga Rama për lista të hapura dhe pa koalicione.
“Nëse Edi Rama ka vendosur të bëjë ndryshime të tjera është i detyruar të kthehet në diskutime e Këshillit Politik. Nëse ka ndryshuar mendje për sistemin zgjedhor ka për detyrë ti thërrasë të gjithë bashkë dhe të lejojë një diskutim të hapur popullor dhe në fund me referendum. Nuk ka cirk që e ndal rrotacionin politik. E vetmja gjë që jemi investuar si opozitë është që ta sjellim këtë rrotacion me sa më pak kosto për vendim. Ndaj dua ti them sot çdo qytetari që unë personalisht dhe opozita e bashkuar jemi të vendosur dhe të përkushtuar të bëjmë gjithçka për miratimin dhe zbatimin marrëveshjes së 5 qershorit. Ku pika 2 përjashton mundësinë e ndryshimit të sistemit zgjedhor. Sa nuk është vonë ju bëj thirrje të marrë të gjitha masat e nevojshme, askush nuk e ndal dot rrotacionin. Edi Rama ka vetëm diçka në dorë të paktën në këtë fazë të fundit të qeverisjes ti thërrasë ndërgjegjes si qytetar dhe si prind dhe të lejojë votën e lirë të shqiptarëve”, shprehet Basha.
