Bieta Sulo ka publikuar para pak minutash një video, e cila i ka bërë konfuzë të gjithë. Në video shfaqet artisti i ri Mato Lale, i cili teksa ka qenë duke repuar në studion e “Ftesë në 5” ka treguar me shaka se do t’i zërë vendin Dudushit. “Studio bosh është, ka muaj që nuk përdoret”, i është kthyer Bieta. Por a është kjo një indicie se Alban Dudushi mund të largohet nga “Top Channel”, pas 20 vitesh punë në këtë televizion, që prej themelimit të tij?
I kontaktuar prej nesh, Dudushi u përgjigj se në shtator do të jetë përsëri në ekran, por pa specifikuar se ku. Ndoshta më vonë do të marrim vesh më shumë nëse ka vendosur Dudushi ta braktisë Top Channel për një ekran tjetër. Kujtojmë se moderatori i njohur është një nga ikonat e “Top Channel” dhe largimi i tij do të bënte mjaft bujë. /topchannel
https://www.instagram.com/p/CCY2S7jnadv/?igshid=s3s3zvyubymh
