Projekti për ndërhyrje në Vlorë, Himarë, Pukë dhe fshatrat e bregut
Rikualifikimi urban i qyteteve Vlorë, Himarë, Puke dhe i fshatrave të bregdetit do të marrë 35 milionë euro. Projekti që ka nisur zbatimin po menaxhohet nga Fondi Shqiptar i Zhvillimit, vlerësohet të ketë ndikim si në turizëm ashtu edhe në punësim. Projekti i quajtur “Zhvillimi i Alpeve Shqiptare dhe zonës bregdetare”, financohet me 28.7 milion euro kredi nga Banka për Zhvillim e Këshillit të Europës dhe 6 milion euro të qeverisë shqiptare. Këto ditë është shpallur tenderi për shërbimin e projektimit për rikualifikimin urban në fshatrat e Dhërmiut dhe Vunoit, dhe Bashkisë Himarë. Projekti përfshin restaurim në rrugë, trotuare, sheshe, fasadat e shtëpive tradicionale, ndriçimi publik, etj. Pjesë e projektit janë edhe shërbimet e supervizimit për punimet civile për rikualifikimet urbane në Vlorë, Himarë dhe Bashkinë Pukë. FSHZH në rolin e zbatuesit të projektit ka shpallur ftesat për nënkontraktorë që do të kryejnë punimet e planifikuara.
