Pesë persona kanë humbur jetën dhe 78 raste të reja janë konfirmuar me koronavirus këtë të hënë në Maqedoninë e Veriut.
Në Shkup janë regjistruar 26 raste të reja me Covid-19, në Kumanovë 4, Shtip 17, Tetovë 9, Strugë 3, Gostivar 5, Probishtip 3, dhe nga një rast kanë Dibra, Manastiri, Ohri, Kriva Pallanka, Koçani, Vinica.
Gjatë 24 orëve të fundit në Maqedoninë e Veriut janë shëruar 172 persona duke e çuar në 3199 numrin e pacientëve të shëruar.
Ndërkohë që nga fillimi i pandemisë e deri më tani në Maqedoninë e Veriut janë konfirmuar 7124 të infektuar nga 68 059 testime të realizuara, mes të cilëve 346 kanë humbur jetën.
