Kryetar i Konfederatës së Sindikatave në Durrës, Zija Alhysa në një deklaratë për mediat foli rreth situatës në këtë institucion, ku thot se 4-5 punonjës rezultojnë pozitiv me Covid-19.
Situata është kaotike dhe Alhysa thotë se në këto kushte nuk mund të vazhdojë puna, pasi edhe ai vetë nuk e ka kryer ende tamponin.
Kreu i konfederatës thotë se ditën sotme janë paraqitur pranë institucionin për analiza edhe disa nga personeli i shtëpisë së fëmijës në Durrës, të cilëve u janë marrë tamponët për të parë nëse janë të infektuar.
“U bë dita e dytë që vijnë raste me infeksion, të cilët janë pozitiv. Kemi personel të infektuar prej 4 apo 5 vetësh. Kështu që është parë e arsyeshme se ne duhet të shkojmë në shtëpi derisa të marrim një urdhër nga Ministria e Shëndetësisë. Sot ka ardhur personel i shtëpisë së fëmijës në Durrës dhe u morën tamponët. Ne kemi frikë për veten dhe se mund të infektojmë edhe të tjerët. Nuk mund të vazhdojmë punën në këto kushte, unë ende nuk e kam bërë tamponin. Tani po qëndrojmë në shtëpi, dhe jemi pezull, edhe shoferin e kemi pozitiv. Me kaq personel sa jemi nuk e mbulojmë dot të gjithë punën në të gjithë zonën. Udhëzimi është që kush del me covid-19 duhet të hyjë në karantinë. Ata që janë asimptomatikë nuk e di si do të procedohet”, tha Alhysa.
