Tetë viktima dhe 134 raste të reja janë konfirmuar brenda ditës në Maqedoninë e Veriut. Numri total i të infektuarve në vend rritet në 4289, ndërsa ai i viktimave është 201.
Ministria e Shëndetësisë në vend informoi se rastet e reja sipas qyteteve janë konfirmuar: Shkup- 97 , Kumanovë-5, Tetovë -11, Prilep-1, Negotino-1, Strugë -3, Manastir-1, Kavadar-1, Veles-1, Resnje 7, Kërçovë-2, Kratovë-1, Valandovë-1 dhe Krushevë-2.
Sa i përket personave që kanë humbur jetën, njoftohet se 5 persona ishin nga Shkupi, një nga Kumanova dhe dy nga Tetova. Viktimat ishin nga 65 deri në moshën 77 vjeç.
Po ashtu, brenda ditës nga Covid-19 janë shëruar 34 pacientë.
