Instituti i sindikatës INCA-CGIL ka hapur degën e tij në Tiranë dhe ofron shërbime për shtetasit shqiptarë që kanë punuar në Itali, si dhe italianët që janë vendosur në Shqipëri.
INCA vjen në ofrimin e ndihmës sociale dhe shërbimeve të ndryshme ndaj gjithë atyre që kanë derdhur kontribute në regjimin tatimor italian.
Njoftimi i plotë
Pensione dhe shërbime të tjera për shqiptarët që kanë punuar në Itali
Që nga maji 2019, Instituti i sindikatës INCA-CGIL ka hapur degën e tij në Tiranë dhe ofron shërbime përshtetasit shqiptarë që kanë punuar në Itali, si dhe italianët që janë vendosur në Shqipëri.
INCA (Istituto Nazionale Confederale di Assistenza), themeluar në 1946, është organizëm i CGIL (Confederazione Generale Italiane del Lavoro) dhe vepron në Itali dhe 26 vende të tjera, në ofrimin e ndihmës sociale dhe shërbimeve të ndryshme ndaj gjithë atyre që kanë derdhur kontribute në regjimin tatimor italian.
Veprimtaria e INCA numëron rreth 2,5 milionë praktika për ndihmë në vit dhe përfshin gjithçka nga ndihma në hartimin e kërkesave për sigurime shoqërore e asistencë sociale, te ndihma juridike për ushtrimin e të drejtave që njeh ligji, te ndihma në procedurat e marrjes së leje-qendrimit dhe të nënshtetësisë, deri tek këshillimi e ndjekja ligjore e rasteve të dëmtimeve në punë apo të sëmundjeve profesionale.
Vetëm gjatë 2018-s, mbi 67.000 shqiptarë i janë drejtuar për ndihmë 800 zyrave INCA në Itali, të cilët kanë marrë ndihmë për të nisur praktikat e asistencës drejtuar institutit të sigurimeve shoqërore të atjeshëm, INPS.
Me interes të veçantë për shtetasit shqiptarë është shërbimi i ri i dërgimit të kërkesave për pension, pa qenë nevoja për të shkuar në Itali. Përfitues nga ky shërbim janëtë gjithë ata njerëz në moshën e pensionit (nga 67 vjeç), tëcilët kanë ushtruar punë e kanë paguar kontribute shoqërore në Itali për të paktën 5 (pesë) vjet, pas vitit 1996, të cilët sot banojnë në Shqipëri.
Zyra INCA-CGIL mund të gjendet kollaj pasi ajo ndodhetnë Sheshin Skenderbej, pranë Pallatit të Kultures, në Tiranë
